കീം 2023 അപേക്ഷയിലെ അപാകത പരിഹരിക്കാൻ അവസാന അവസരം
തിരുവനന്തപുരം
കേരള എൻജിനിയറിങ്, ആർക്കിടെക്ചർ, ഫാർമസി , മെഡിക്കൽ, മെഡിക്കൽ അനുബന്ധ കോഴ്സുകളിലേക്ക്‌ അപേക്ഷിച്ചവർക്ക്‌ അപാകത പരിഹരിക്കാൻ അവസാന അവസരം. പ്രവേശന പരീക്ഷയ്ക്ക് ഓൺലൈനായി അപേക്ഷിച്ചവർക്ക്‌ അപേക്ഷയോടൊപ്പം സമർപ്പിച്ച ഫോട്ടോ, ഒപ്പ്, നേറ്റിവിറ്റി, പത്താം ക്ലാസ് സർട്ടിഫിക്കറ്റ്, നാഷണാലിറ്റി എന്നിവയിൽ ന്യൂനതകളുണ്ടെങ്കിൽ അവ പരിഹരിക്കുന്നതിനും അപേക്ഷാഫീസ് അടയ്ക്കാനുണ്ടെങ്കിൽ അവ അടയ്ക്കുന്നതിനുമാണ്‌ അവസരം.
പ്രവേശനപരീക്ഷാ കമീഷണറുടെ വെബ്‌സൈറ്റിലെ KEAM -2023 Candidate Portal എന്ന ലിങ്കിൽ അപേക്ഷാ നമ്പരും പാസ്‌വേഡും നൽകി ലോഗിൻ ചെയ്യുമ്പോൾ അപേക്ഷകന്റെ പ്രൊഫൈൽ പേജ് ലഭിക്കും. ന്യൂനതകൾ പരിഹരിക്കുന്നതിന് ആവശ്യമായ രേഖകൾ/സർട്ടിഫിക്കറ്റുകൾ/ഫോട്ടോ/ഒപ്പ് എന്നിവ പ്രവേശന പരീക്ഷാ കമ്മീഷണറുടെ വെബ്സൈറ്റിൽ അപ്‌ലോഡ് ചെയ്യണം. ഫീസ് അടയ്ക്കാനുണ്ടെങ്കിൽ ഫീസും അടയ്ക്കണം.വിവരങ്ങൾക്ക്: www.cee.kerala.gov.in, ഹെൽപ്‌ ലൈൻ: 0471-2525300.